Væmin út í eitt

Hér áður fyrr var talað um að leggja pennanum þegar fólk hætti að skrifa, nú er öldin önnur og ég legg lyklaborðinu þar til síðar í kvöld eða fyrramálið. Nú er nefnilega verið að storma á námskeiðskvöld nr. 2 á leiðtoganámskeiðinu. Annars er ég farin að fá kitl í magan því það styttist í Reykjavíkurferð o hvað ég á eftir að njóta hverrar mínútu sem ég næ með stubbu minni og co. Er konan að verða eitthvað væmin æji það verður að hafa það.

Ungviðið

Börn eru yndisleg, ekki hvað síst þegar þau koma með skemmtileg tilsvör. Litla ömmuskottið mitt er þar engin undantekning. En í gær hringdi þessi elskka (auðvitað með hjálp móður sinnar) til að þakka fyrir pakka sem amma og afi sendu henni. Í pakkanum voru náttföt og á treyjuni er bæn. Ég spurði þá stuttu hvað hefði verið í pakkanum hún var fljót að svara "peysa" ég held áfram að spjalla við hana og spyr svo hvað stendur á peysunni? það stóð ekki á svarinu hjá þeirri stuttu "Drottinn" málið var að mamma hennar var búin að lesa bænina fyrir hana og þetta mundi sú stutta. En hún var komin í náttföt kl. 6 í gærkvöld af því að það þurfti auðvitað að prufa þau strax.  Jæja ég ætla að drífa mig í að bæti í lokaritgerðina nokkrum orðum því hún á að fara í smá ritskoðun (eða það sem komið er) á eftir. Síðan er viðtal við bæjarstjóra kl. 11 út af ritgerðini það er alltaf að komast betri og betri mynd á þetta.

Þar til næst over and out

p.s Annars væri nú gaman að sjá hverjir eru að kíkja hér við, þannig að skiljið endilega eftir far

kv. Heiða

Leiðtoginn og Ásdís Halla

Í gærkveldi fór ég á fyrsta hluta námskeiðsins um leiðtogann sem Ásdís Halla Bragadóttir gerði. Hún er greinilega snilldar fyrirlesari, talar blaðlaust og er einungis með glærur til að styðjast við eða allavega gat ég ekki betur séð. Hvað um það námskeiðið er haldið í fyrsta sinn á Akureyri og sækja það 550 konur á öllum aldri. En skyldi ekki vera gott fyrir karlmenn að fá svona námskeið líka? Þarna kemur upp í mér smá púki þar sem ég er alfarið á móti að draga fólk í dilka eftir kynferði. Eftir þetta frábæra kvöld dreymdi mig bara vel. Í morgunn beið svo skóli og meiri skóli þannig að ég sleppi ræktini í dag en á morgunn fer ég þangað.  Nú styttist óðum í páska og þar af leiðandi í að ég sjái litlu familíuna í R.vík. Hlakkar ekki smá til að sjá framfarir nöfnu minnar á þessum mánuðu sem þá verður liðinn frá því að ég sá hana síðast. Er komin í þvílíka þörf fyrir að knúsa hana aðeins. Ekki skrítið að ég gæti ekki látið mín börn af hendi nema vera kvalin af þrá eftir þeim þegar þau voru lítil er þetta eigingirni eða hvað? Jæja hér er sól og blíða þannig að allir hljóta að vera glaðir. Verst að þurfa að sitja inni í viðtölum og skriftum væri betra að vera úti á tölti eða bara taka snemmbúna vorhreingerningu í garðinum Hætt þessu blaðri og farin að skrifa vonandi eitthvað gáfulegra

 

Vítamín sprauta

Kannski er þetta ekki góð fyrirsögn hjá mér. En mig vantar samt smá stuð núna til að koma mér í gang að skrifa. Fór í ræktina í morgunn og tók svo eitt viðtal, það gekk mjög vel. Fór svo í eitt af þessum leiðinda verkum það er að versla í matinn. Slysaðist samt inn í eina tusku búð og verslaði mér tvo boli svona svo ég hefði eitthvað að vera í þegar sólin fer að skýna. Auðvitað verður maður líka að búa sig undir að vera léttklæddur í Tallin og Pétursborg í sumar Er búin að skoða börnin á barnalandi sem ég heimsæki reglulega og eins nokkra skemmtilega penna í bloggheiminum. Vildi að ég gæti skrifað svona uppbyggilega. Nú er víst einhver að baula í mér að koma að gera eitthvað svo ég kveð að sinni.

Heiða

 

Margt er skrýtið í kýrhausnum

Mér dettur alltaf ýmislegt í hug þegar ég er í tímum um Evrópumálin. Í dag fengum við t.d. tvo gesti í tímann sem eru fylgjandi inngöngu okkar í ESB, af orðum annars þeirra mátti skilja að hér áður hafi sjálfstæðismenn verið fylgjandi inngöngu en svo hafi Davíð móðgast við Jón Baldvin út af yfirlýsingu sem sá síðarnefndi gaf í fréttum um að við værum á leið til að sækja um. Við þetta hafi Davíð sem sagt móðgast og eftir það verið á móti aðild og þar með flokkurinn allur. Nokkuð merkilegt ef menn verða fúlir í mörg ár. Allur flokkurinn fylgir Davíð og því er þetta ekki til umræðu og svo er annað ef við förum í evrópusambandið og tökum upp Evru þá gæti Davíð misst vinnuna. Jæja ekki gott mál þetta þorði samt ekki að spyrja gestinn af hverju hann segði sig ekki úr flokknum fyrst svona væri og hann væri algjör evrópu sinni. Nóg um þetta í bili

Mistök

Ljóðið fer alltaf úr formi þegar ég vista færsluna þannig að þið verðið bara að lesa í belg og biðu. Reyndar er það nýtt erindi sem byrjar á vinur þegar línurnar verða tvöfaldar. Kannski þetta sé bara gestaþraut

Vinur

Vinur

Vinur er sá er í hönd þér heldur
og hjarta þínu veitir skjól.
Aldrei vinur sorgum veldur
en veitir jafnan hlýjast ból.

Vinur er sá er gjarnan situr
og sorgir þínar fælir brott,
alltaf glaður og aldrei bitur,
æva færir kærleiksvott. Vinur er sá er í kulda kemur
og kalið hjarta þiðið fær.
Vinur er sá er tregann temur
og tekur þig að hjarta nær. Vinur er sá er vill þér halda
og vernda þá er sorgin knýr
að dyrum þér og um aldir alda
alltaf kemur hann sem nýr. Vinur er sá er brosir breiðast
er brosir hamingjan þér við,
og jafnan hönd í hönd vill leiðast,
hamingjunnar að stytta bið. Vinur er sá gleðst æ glaður
er gleðin brosir ljúft við þér.
Þér við hlið æ stendur staður,
sterkastur kletta jafnan er.

 

Ég held að ég sé að því komin að setja bara vísur eða ljóð sem að mér finnast falleg hér inn. Það er nú kannski alveg satt en allavega rakst ég á þetta áðan þegar ég var að leita að gögnum í tölvunni minni. Hafði tekið þetta af einhverri vefsíðu og geymt og notað stundum inn í kort brot út þessu ljóði. Vel við hæfi eftir góða helgi þar sem maður hefur aðeins ræktað vináttu og frændsemi.

Ekkert varð af skíðaferðinni hjá Sigurgeir enda varla mikill snjór eftir. Hefði nú samt kannski sloppið til en ágætt samt að hafa hann heima. Búin að vinna aðeins úr viðtölunum sem ég tók í síðustu viku , þarf svo að taka nokkur í næstu viku og vinna svo úr þeim gögnum sem komin eru. Er líka á leið á leiðtoganámskeið í næstu viku mjög spennandi í boði sjálfstæðisfélaganna á Akureyri. Læt fylgja hér mynd af Aðalheiði Karen skautaskvísu sem fór á fyrsta sinn á skauta í gær. Hringdi svo í ömmu sína alsæl því þetta var svo gaman.

 

 

 

 

Framsókn

Á vafri mínu um fréttavefi nú í morgunn rakst ég á frétt þar sem sagt er frá því að Framsóknarmenn hér Norðanlands séu búnir að ráða kosningastjóra, Kona með reynslu varð fyrir valinu "Eva Ásrún" kvennskörungur mikill að mínu mati nú komin á nýjan vettvang. Spurning hvort við verðum öll pólitískari með aldrinum en allavega kom þetta mér á óvart. Konan er þó fjölhæf og kann örugglega að bregðast við mörgum mismunandi aðstæðum. Ef fæðing nýrra meðlima flokksins gegngur ekki vel þá er gott að hafa ljósmóður til að hjálpa til svo getur hún sunguð neikvæðu hliðarnar í svefn. Er sem sagt á því að þetta hafi verið klókur leikur hjá framsókn, svo er bara að sjá hvernig fer.

Tíminn líður hratt

Það er víst óhætt að segja að tíminn líður hratt. Mér finn ég vera rétt komin í námsleyfi en það eru víst að verða fimm mánuðir síðan. Bara rúmlega einn og hálfur mánuður eftir. Í morgun skrapp ég aðeins niður í vinnu og viti menn ég gat gert smá gagn. Var nú samt ekki meiningin að vinna neitt þegar ég fór af stað. Var að taka viðtal við bæjarlögmann út af verkefninu mínu en frestaði svo tveimur viðtölum. Eðalfrænkan mætti ekki á svæðið í gærkveldi eins og búist var við því það var ekkert flogið milli Akureyrar og Reykjavíkur í gærkveldi. En nú er hún mætt og vænti ég þess að eiga góða kvöldstund með þeim hjónum í kvöld. Ritgerðarsmíðin gengur hægt og rólega en ég er nú samt alveg róleg. Sýnist ég ekki vera neitt á eftir öðrum allavega með þetta. Er reyndar aðeins að bíða eftir kommenti frá leiðbeinandanum mínum varðandi viðtölin, en ég held mínu striki á meðan ég heyri ekkert. Ég er auðvitað farin að bíða eftir að getað knúsað stelpurnar mínar bý við algjört karlaríki eða þannig. Sigurgeir er á leið upp á fjöll á morgunn fer sem fararstjóri yfir Tunguheiði. Það verður nú samt bannað að fara ef veðrið verður eins og um síðustu helgi. Þoli ekki svona einhverja hræðslu um hvar menn eru. Það var nú svo gáfulegt ferðalagið á síðasta sunnudag að hópurinn gekk eftir GPS tæki allan daginn og þau voru ekki komin heim fyrr en kl. rúmlega 20. Voru sótt af Björgunarsveit upp í Kröflu því það var ófært. Ætla að láta þetta duga í bili en set hér með mynd af einum göngugarpnum um síðustu helgi svo þið getið séð hverslags veðurlag var þarna.

Þarna eru menn komnir eigum við að segja til byggða en takið eftir skeggið er frosið. Held að þetta sé fararstjórinn úr þessari ferð.

Stollt af sjálfri mér núna

Um síðustu áramót hét ég því að ræktin yrði tekin föstum tökum á þessu ári, ekki hefur það nú alveg gengið en þó aðeins Í morgunn þegar ég var að hugsa um að snúa mér á hina hliðina dreif ég mig á fætur og í ræktina. Ánægð með það vonandi dríf ég mig aftur á morgunn og kemst í gírinn með þetta. Er síðan búin að fara í tvö viðtöl. En er ekki að höndla að skrifa núna er eiginlega allt of löt þannig að það er spurning um að hella sér á kaffi og reyna að skrifa svo nokkrar línur. Finnst ég vera með fullt af efni en vanta að setja það niður fyrir mér hvernig ég ættla að vinna úr því. En það stendur ekki til að rausa um það hér. Því segi ég bless í bili.