Nóvember2008

Það er orðið þó nokkuð síðan ég hef skrifað hér inn. Enda svo sem ekki búin að vera skemmtilegasti mánuður ársins. Það hefur þó verið í nógu að snúast. Mánuðurinn byrjaði á því að Sigurgeir var sagt upp vinnunni með 3. mánaða fyrirvara eins og lög gera ráð fyrir þegar menn hafa unnið í 14 ár hjá sama fyrirtækinu. Við fórum á Heklu mót á Húsavík sem er karlakóramót. Það tókst ljómandi vel og skemmti ég mér þræl vel þar. Mín vinna gengur sinn vana gang nema hvað samstarfs kona mín er veik og auðvitað sakna ég þess að hafa hana ekki í vinnunni. En hún kemur bráðum aftur

Halldóra kom norður með skvísurnar þann 4. nóvember þó svo að þá væri búið að slá af 60 ára brúðkaupsafmælis veisluna. Aðalheiður Karen var þá að enda við hlaupabólu

Greyið var öll útsteypt í bólum og með mikið af þeim í andliti og hársverði.  Við vonuðum svo sannarlega að litla prinsessan fengi þetta ekki en því miður varð hún lasin líka þegar þær komu suður á þriðjudeginum. 

En nú eru þær báðar orðnar frískar þó bólurnar séu ekki grónar og verða því vonandi sprækar fljótt.

Jæja þjóðmálin breytast svo hratt þessa dagana að það er ekki henda reiður á eitt né neitt í þeim efnum. Enda finnst mér þetta allt orðið eins og einhver leikhús farsi.

Tengdamamma er búin að vera mjög veik en er nú aðeins að koma til. Ég er nú einmitt að fara til hennar upp á spítala rétt bráðum.

Jæja ég læt þetta duga að sinni

 

Athugasemdir

[Steingerður Steinarsdóttir, 18.11.2008 kl. 16:17]

Ömurlegar fréttir. Sífellt heyrir maður af fleirum sem eiga um sárt að binda vegna þessa rugls sem gengur hér yfir. Gangi ykkur vel og gott að heyra að heilsa fjölskyldumeðlima er að batna.

[Kristbjörg Clausen (IP-tala skráð) 21.11.2008 kl. 16:08]

Elsku Aðalheiður mín, en leiðinlegt að heyra að Sigurgeir hafi verið sagt upp vinnunni. Ég vona að tengdamömmu þinni líði betur og að hlaupabólutrunturnar láti sig hverfa hið snarasta.

Kærar kveðjur, ljósið mitt, ég vona innilega að við hittumst í  fjölskyldusamverunni þ. 28. des. Þangað til, hafið það sem best.

Faðmlag frá mér