Mollin í Ameríku

Jæja þá erum við stöllur komnar heim heilar á húfi. Engin týnd og allar réttum megin hjá tollinum. Já við komum til landsins kl. 6:30 í gærmorgunn, með allar töskur fullar eins og íslenskum konum sæmir. Búnar að þræða Wal-mart. Targett, Towson hall og Arundel Mills. Við flugum sem sagt út á miðvikudag kl 17 og lentum í Baltimore kl. 18 að þeirra tíma tókum leigubíl á hótelið og opnuðum tómu töskurnar, reyndar vorum við með mis mikinn farangur en sem betur fer var ekkert viðkvæmt í töskunum því tvær þeirra voru mjög blautar þegar við fengum þær á flugvellinum í einni voru nærföt svo blaut að það mátti vinda þau. Skil ekki hvernig þetta hefur blotnað svona. Að vandlega hugsuðu máli ákváðum við að halda okkur á hótelinu þetta kvöld, borðuðum þar og bætum á okkur aðeins hvítvíni áður en við fórum að sofa.

Upp rann fimmtudagur og allar vöknuðum við kl. 7 fórum á fætur drifum okkur í morgunmat, síðan kl 8 var stefnan tekin á fyrsta mollið sem var Wal mart þar skildu verð skönnuð og keypt leikföng. Auðvitað var auðvelt að finna varning þarna og þvílíkt magn af vörum sem þarna fannst. Við keyptum þó ekki mikið annað en dótið. vorum komnar aftur á Hótelið kl.10 enda ákveðnar í að fara í Arundel Mills þennan dag. Þangað fórum við með eina ferðatösku sem við drógum á eftir okkur allan daginn, en þvílíkur munur að þurfa ekki að halda á öllum pokunum. Mæli með töskum í verslunarleiðangra. Við vorum að þarna til rúmlega sex og þóttumst skila drjúgu dagsverki. Kvöldinu eyddum við á Hardrock sem er staðstett við höfninu og var í göngu færi við hótelið sem við vorum á.

Á föstudeginum var dagurinn aftur tekinn snemma og farið í Towson Hall þar var sami háttur hafður á farið í gegnum búðirnar með ferðatösku og keypt það sem ætlað var. Þetta kvöld borðuðum við í Mollinu á góðum veitingastað drukkum auðvitað hvítt, rautt eða bjór bara hvað hver okkar vildi. Fengum okkur svo leigubíl í Targett og kláruðum kvöldið þar. Góður dagur þetta verið á rölti frá 9 til 22 ekki slakt það.

Laugardagurinn var ákveðinn þannig að það átti að sofa út en við vorum þó allar komnar á fætur kl. rúmlega 8 og klukkan 10:30 mættar aftur í Arundel Mills. nú með flugfreyjutöskur.  Á nokkrum tímum tókst okkur að fylla þær og vorum við komnar á hótelið aftur um kl. 19 þá var ákveðið að borða bara þar.   Við vorum komnar í mat um átta og aftur upp á herbergi fyrir tíu þreyttar eftir daginn.

Sunnudagurinn var notaður til að skoða íþróttasafn niðri við höfn, að mestu leiti var þetta Hafnarbolta saga. Við röltum svo þarna um hafnarsvæðið fram undir tvö þá fórum við upp á hótel og gerðum okkur klárar í flug. Fórum á flugvöllinn kl fjögur, flugið var á réttum tíma um átta og lent hér heima kl. 6:30 á mánudagsmorgni.

Ég flaug svo heim um hádegið kom þreytt en ánægð með ferðina heim. Þetta var sko sannkölluð verslunarferð. Takk fyrir samveruna stelpur, þetta væri gaman að endurtaka hlæja og hafa gaman hver af annarri.

 

Athugasemdir

[Linda Lea Bogadóttir, 20.12.2007 kl. 22:41]

Velkomin heim...  flott að fá ferðasöguna beint í æð... oh hvað ég mun gera þetta fyrir næstu jól.... 

[Rúna (IP-tala skráð) 21.12.2007 kl. 09:31]

Gott að þið komust heilar inn í landið og aftur heim. Þið hafið greinilega nýtt tímann vel til innkaupa eins og sönnum íslendingum sæmir. Ég óska þér og þínum gleðilegra jóla og farsældar á nýju ári.

Kærar kveðjur, Rúna Kristín

[Steingerður Steinarsdóttir, 23.12.2007 kl. 09:41]

Gleðileg jól Heiða mín og þakka þér fyrir skemmtunina á árinu.