Blogg síðan hvenær?

Jæja ég hef ekki staðið mig hér undanfarið. Enda er bloggið ekki framarlega í forgangsröðunini. Ferðin til Madrídar var mjög skemmtileg, mikið gengið og sumir drukku líka meira en venjulega. Þó voru ekki nein sérstök vandræði með einn einasta mann. Reyndar var einn rændur en það hefði getað komið fyrir hvern sem var. Við löbbuðum mikið eins og ég sagði en versluðum lítið sem ekki neitt, enda er ég að fara til Baltimor eftir mánuð. Þar er sennilega mun hagstæðara að versla en í Madríd. Borgin er svolítið sérstök því hún virðist vera mikið sundurslitin, þ.e. byggingarsvæðin klofna í hverfi með gróðri. Þegar við flugum yfir borgina virtust þetta vera margir litlir bæir sem tengdust saman. Það eru margar fallegar byggingar þarna má þar nefna bæði Konungshöllina og Dómkirkjuna. Utan við göngu þá fór ég í Spa á hótelinu sem var mjög sérstakt en Sigurgeir fór í nudd á meðan. Bæði á föstudags og laugardagskvöld enduðum við á karaókí bar þar sem sumir gátu látið ljós sitt skína. Ég þakka mínum sæla fyrir að vera laglaus og una því, ég heyrði of marga syngja sem ekki héldu lagi þarna, varð á köflum illt í eyrunum. En látum þetta duga af Madríd.

Vikan hefur svo auðvitað einkennst af vinnu og er ég að fara að vinna að loknu þessu pári sem sagt vinna bæði laugardag og sunnudag þessa vikuna. Er aðeins byrjuð að vinna nýju vinnuna líka og held ég að hún verði góð. Mikið verk fyrir höndum þar en skemmtilegt að takast á við nýja hluti.

Látum þetta duga að sinni.

 

Athugasemdir

[Steingerður Steinarsdóttir, 4.11.2007 kl. 17:42]

Velkomin heim og gott að heyra að þú skemmtir þér vel. Hef aldrei komið til Madrid og heldur ekki til Baltimore. Hlakka til að lesa seinni ferðasöguna en ég hef komið til New York og fannst mikil upplifun að koma til Bandaríkjanna í fyrsta sinn.

[Linda Lea Bogadóttir, 4.11.2007 kl. 23:34]

Já velkomin heim... hvaða flakk er þetta annars á þér kona... Ameríka eftir mánuð?

Góða og gleðilega vinnuviku... 

[Aðalheiður Magnúsdóttir, 5.11.2007 kl. 08:50]

Linda mín ég veit ekki hvað ég á að gera við tímann eftir að skóla lauk eða þannig. Nei þetta er algjör tilviljun að ég fer svona oft til útlanda núna.

Hef aldrei komið til Bandaríkjana fyrr þannig að það verður gaman að prufa brjálæðið þar. Verst að ég held að Geiri sé pínu abbó með þá ferð verð sennilega að kaupa eitthvað fallegt handa honum