Fyrir Marsý:)

Það er víst tími til kominn að blogga aðeins. Síðasta vika leið ansi hratt. Halldóra og Aðalheiður Karen fóru suður á mánudag og svo er maður búin að vera á kafi í vinnu. Þó var vinnu vikan brotin upp með liðsheildardegi á fimmtudag þar sem allir starfsmenn ráðhúss komu saman og hlýddu á fyrirlestra, fóru í smá sprell og leiki. Þetta var einstaklega vel heppnaður dagur, við fengum meðal annars fyrirlestur frá Vöndu Sigurgeirsdóttur um einelti sem var hreint út sagt frábær.

Á föstudag var svo farið í óvissu ferð eftir vinnu. Hún heppnaðist líka mjög vel enda góður hópur samankominn. Helgin leið svo tíðindalaus þar sem ég var að vinna á laugardag og var í húsverkunum á sunnudag.

Það sem af er þessari viku hefur verið unnið fram yfir kvöldmat, þannig að það gerist ekki mikið annað á meðan. Þó hef ég aðeins mundað penslana og auðvitað mætt í Gravity en það er bara einn tími eftir á því námskeiði. Þá tekur bara við að púla sjálfur en halda áfram að vakna fyrir kl. sex.

Það eru bara 15. dagar í Madrid og spenningur alveg farin að gera vart við sig. Kannski er spenningurinn líka vegna þess að ég er að flytja mig til í starfi,  dagssetning á það er þó ekki komin á hreint en það verður fljótlega. Til að byrja með verð ég líka á báðum stöðum. Gaman að takast á við ný verkefni sem líka eru krefjandi og því spennandi tímar framundan. Ég á eftir að segja betur frá þessum tilfæringum í góðu tómi.

 

Þar til næst hafið það gott.

 

Athugasemdir

[marsibil (IP-tala skráð) 12.10.2007 kl. 09:59]

sæl, gaman að fá svona spes blogg fyrir sig. En þú ert bara svo dugleg að blogga. Gangi þér bara vel að takast á við ný verkefni.

[Steingerður Steinarsdóttir, 12.10.2007 kl. 15:12]

Mér finnst þú ótrúlega dugleg að vakna fyrir sex á morgnana. Ég á ákaflega erfitt með að koma mér fram úr klukkan sjö.