Haust

Já það er svo sannarlega komið haust. Laufin falla af trjánum og heldur er hráslagalegt úti. Þvottavélin mín er búin að fá ný kol og komin í vinnu hjá mér aftur. Helgin var róleg og góð, byrjaði á að heimsækja Siggu á föstudagskvöldið þar sem margt var skrafað og klukkan orðin allt of margt þegar haldið var heim en hvað um það spjallið var gott og rauðvínið líka Á laugardag tók ég mig til og þvoði heilmikið, bakaði slatta og þreif eins og gengur. Eldaði síðan góðan mat handa okkur skötuhjúunum og hafði það gott. Ætlaði að hreiðra um mig fyrir framan sjónvarpið og horfa á eins og eina mynd en því miður þar var ekkert sem ég hafði áhuga á, svo ég skreið í mína holu um 10 og svaf vært til morguns. Á sunnudeginum var blaut og kalt og því ekki útivistarveður, því var hnoðað í kleinur og þær steiktar. Þannig að nú á ég loks eitthvað með kaffinu sem vart hefur skeð undan farin 4 ár.

Í morgunn var svo lagt í einn gravity tímann enn, ég er enn með strengi frá því í fyrsta tíma, hvernig endar þetta formið hefur allavega ekki verið gott.  Jæja nú er að panta flug fyrir skvísurnar mínar því þær ætla að koma norður um helgina en Dúi verður að þræla á meðan.

Athugasemdir

[Steingerður Steinarsdóttir, 24.9.2007 kl. 10:43]

Gott að vita hvað Gravity er og gangi þér vel að laga formið. Með hjálp eðalvíns og öflugrar þvottavélar tekst það örugglega.

[Unnur R. H., 25.9.2007 kl. 15:36]

Ohh, þú duglega kona Ég vildi óska að ég væri svona húsmóðurleg þessa dagana, en get víst ekki sátað mig af því, nei ónei...Þvottavélin mín lenti í sömu hrellingum og þín, varð kolalaus, en henni er batnað og þvær sem aldrei fyrr