Verslunarmannahelgin framundan

Nú fer að koma að því. Verslunarmannahelgin gengur í garð á morgunn með öllum sínum kostum og göllum. Hverjir eru kostirnir, jú það eru margir vinir og ættingjar sem koma saman á þessum tíma fólk hittist og gerir sér glaðan dag. Hverjir eru þá gallarnir, að mínu mati er það fyrst og fremst drykkjulæti og fíflagangur í hálf fullorðnu fólki og fullorðnu fólki því. Út frá þessu eru svo þeir sem eru á aldrinum 18 - 23 ára óvelkomnir á Akureyri um helgina. Ég held að mér hefði nú þótt þetta skrítið þegar ég var þessum aldri því ekki var ég með drykkjulæti eða óspektir á þeim tíma. Með þessum aðgerðum er verið að flokka fólk í betri og verri gesti, hvað gerum við næst bönnum lituðum að koma og svo hommum og lesbíum og svo áfram og áfram vonandi ekki. Þetta er ekki aðferð að mínu skapi, sama hvað hver segir þá hefði átt að bæta gæslu og viðbúnað en ekki draga fólk í dilka. Skyldu þessi óæskilegi hópur tjalda í Glæsibæjarhreppi, Svalbarðsströnd eða fram á Hrafnagili? Kemur í ljós

 

Athugasemdir

[Steingerður Steinarsdóttir, 7.8.2007 kl. 15:41]

Já, það er skrýtið að þessum hópi skuli vera kennt um öll skrílslæti. Mér hefur nú fundist að sumir þeirra eldri mættu líka alveg passa sig.