Sambandsleysi og skítaveður.

Sem sagt mér er ekki farið að standa á sama. Í dag er skítaveður þ.e snjókomma, skafrenningur og ekta vetrarveður. Geiri fór með ferðafélaginu á Þeistareyki á gönguskíðum í gær og ég hef ekki hugmynd um hvernig þeim gengur. Víkurskarðið var ófært áðann og ég á ekki von á að það sé orðið fært. Líður ekki vel að frétta ekkert af þessum ferðalöngum.  Annars er ég samt búin að vera bara þokkalega dugleg í dag. Er búin að vera að lesa mér til og undirbúa fyrir viðtölin sem ég er að fara að taka vegna lokaritgerðarinar. Mamma var loksins orðin hitalaus í gær svo nú fer þetta vonandi allt að koma hjá þeim þarna á Kanarý. Þau eru búin að framlengja ferðina um eina viku svo vonandi fær hún góða sól og hlýju á þeim tíma. Ég sjálf hef verið að velta fyrir mér hvað ég geri til að fagna í vor (ef mér tekst að klára skólann) og viti menn aldrei þessu vant þá vildi ég helst halda heljar partý Ég sem venjulega vill ekki halda uppá neitt nema fyrir aðra;) En þetta er allt á teikniborði hugans. Findist nú samt gaman að vita hvað ykkur lesendum góðum finnst Á ég að slá upp heljar partýi eða á ég bara að kúra einhversstaðar með Geira mínum? Mig er farið að langa til að fá vinina og ættingjana í heimsókn og sprella smá en kannski er ég bara að vera eitthvað klikk í hovedet

Best að gera eitthvað af viti allavega reyna það

Þar til næst farið vel með ykkur

Heiða

Athugasemdir

[Guðrún Olga Clausen, 18.3.2007 kl. 15:11]

Heyrðu frænka mín

ég er nú ekki orðin klárari í blogginu en svo að ég svaraði þinni athugasemd inni á mínu eigin bloggi. Þar staðfestist endanlega hversu biluð ég er orðin. En í alvöru, veistu ekkert um manninn þinn, hefur ekkert heyrst frá þeim,eru þeir ekki með síma? Ég hef meiri áhyggjur af þeim en Konna blessaða, hann kemst alls staðar í var hann er svo lítill.

Olga frænka. 

[Halldóra F Sigurgeirsdóttir (IP-tala skráð) 18.3.2007 kl. 21:13]

Halda partý! Þú heldur alveg snilldar partý mamma mín :) Má ég t.d. nefna fertugsafmælið þitt... það var mjög skemmtilegt :) og svo veislurnar sem þú hefur haldið fyrir okkur Dúa... brúðkaups-, skírnar- og 2x útskriftar (3x ef við teljum stúdentsveisluna mína líka ;))